इंग्ल्यान्डं क्राेएसियायात बुकल

येँ – इंग्ल्यान्ड वेम्ब्ले मैदानय् छुं नं महत्वपूर्ण धेंधेंबल्लाखय् पराजित मजूनिगु रेकर्डयात कायम हे यायेत ताःलाःगु दु । थ्व रेकर्ड कायम हे यानातयेगु झ्वलय् इंग्ल्यान्डं थाैं वेम्ब्ले मैदानय् जूगु युराे कप धेंधेंबल्लाःया थःगु न्हापांगु कासाय् क्राेसियायात पराजित यायेत ताःलाःगु दु ।

कासाया ५७ अाैं मिनेटय् रहिम स्ट्रलिङं याःगु छगू जक गाेलया ग्वाहालिं इंग्ल्यान्डं क्राेएसियायात बुकूगु खः । क्याल्भिन फिलिपया पासय् म्यानचेस्टर युनाइटेडया फरवार्डर रहिमं छगू जक विजयी गाेल याःगु खः ।

रहिमं इंग्ल्यान्डया निंतिं म्हितूगु लिपांगु १७ गू कासाय् १३ गू गाेल याःगु दु ।