लिभरपुल लिग उपाधिपाखे

लन्डन (एजेन्सी) – लिभरपुल ३० दँ लिपा न्हापांगु लिग उपाधि त्याकिगु स्थितिइ थ्यंगु दु । बुधवा: लिभरपुलं एनफिल्डय् जूगु कासाय् क्रिस्टल प्यालेसयात ४-० बुकल । म्यानचेस्टर सिटीं बिहीवा: चेल्सीनाप म्हिते त्यंगु दु व थ्व कासाय् सिटी स्पष्ट जित लिकायेत असफल जुल धा:सा लिभरपुलं लिग त्याकिगु निश्चित जुइ ।

सिटी व कासाय् त्यात धा:सा जुलाई २ थुपिं हे निगू टिम दथुइ सनसनीपूर्ण कासा जुइगु जुइ, सिटीविरुद्ध लिभरपुल । योर्गन क्लोपया नितिं प्यालेसविरुद्ध धा:सा ट्रेन्ट एलेक्जान्डर आर्नोल्ड, मोहम्मद सलाह, फाबिनो व साडियो मानें गोल यात । थ्व कासा त्यायेवं लिभरपुल २३ ल्याखं दकलय् च्वये दु ।

बुधवा: या मेगु महत्त्वपूर्ण कासाय् म्यानचेस्टर युनाइटेडं सेफिल्ड युनाइटेडयात ३-० बुकल व मुेगु सिजन युरोपेली च्याम्पियन्स लिगय् म्हितेगु सम्भावना कायम यात । युनाइटेडया थ्व जितय् एन्थोनी मार्टिएलं ह्याट्रिक यात ।