येँय् ४म्ह व ख्वपय् १म्ह सहित ३२३म्हेसित कोरोना, संक्रमितत ३ हजारं अप्वल
येँ – कोरोना संक्रमिततय् ल्याः ३ हजारं अप्वःगु दु । वंगु नीप्यघौया दुने थप ३ सय २३म्हेसित कोरोनाया संक्रमण जुइवं संक्रमिततय् ल्याः ३ हजार २ सय ३५म्ह थ्यंगु दु । थौं कोरोना संक्रमण जूपिं २ सय ८६म्ह मिजंत खःसा ३७म्ह मिसात खः ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटाया कथं येँया राष्ट्रिय जनस्वास्थ्य प्रयोगशालाय् याःगु परीक्षणय् येँय् ४म्ह व ख्वपय् १म्ह सहित १ सय २० म्हेसित कोरोनाया संक्रमण खनेदुगु दु ।
येँय् ३१ व ३५दँया मिसा व ३६ व ४६दँया मिजंयात संक्रमण जूगु खः । अथेहे ख्वपया कमलविनायकय् च्वम्ह ३१दँया मिसायात कोरोनाया संक्रमण जूगु खः ।
येँया प्रयोगशाला बाहेक देय्या थीथी थासय् याःगु परीक्षणय् थप २ सय ३म्हेसित कोरोनाया संक्रमण जूगु दु ।
LEAVE YOUR COMMENTS