थप १६६म्हेसित कोरोना, संक्रमितत १५६७म्ह थ्यन

येँ – नेपालय् वंगु नीप्यघौया दुने कोरोना भाइरसपाखें थप १ सय ६६म्हेसित संक्रमण जूगु दु । थ्व नापं नेपालय् संक्रमिततय् ल्याः १ हजार ५ सय ६७म्ह थ्यंगु दु । उकी मध्ये दकलय् अप्व प्रदेश नम्बर २लय् ६ सय २४म्ह व प्रदेश नम्बर ५य् ५ सय ६०म्ह दु । स्वास्थ्य तथा जनसंख्या मन्त्रालयया प्रवक्ता डा. विकास देवकोटां वंगु नीप्यघौया दुने संक्रमित जूपिं १६२म्ह मिजंत व ४म्ह मिसात जूगु जानकारी बियादिल ।

थौं येँया राष्ट्रिय जनस्वास्थ्य प्रयोगशालाय् याःगु परीक्षणय् धनुषाया २१म्ह, कपिलवस्तुया ४म्ह, रौतहटया २९म्ह व सर्लाहीया १०म्ह यानाः ६४म्हेसित संक्रमण खनेदुगु दु ।

अथेहे थीथी जिल्लाय् याःगु परीक्षणय् तनहुँया १म्ह, स्याङ्जया २म्ह, पर्साया ५म्ह, कालिकोटया १८म्ह, दैलेखया १८म्ह, बाजुराया ३म्ह, सल्यानया २५, सुर्खेतया १म्ह, कपिलवस्तुया १म्ह, बाँके व नेपालजञ्जया ८म्ह, सप्तरीया १२म्ह, कैलालीया ३म्ह, मोरङया १म्ह व झापाया ४म्हेसित संक्रमण जूगु दु ।

सम्बन्धित बुखँ

LEAVE YOUR COMMENTS