भुइजःसि व टोखायापिं कोरोनामुक्त, थौं १३म्ह अस्पतालं डिस्चार्ज

येँ – थीथी इलय् कोरोना भाइरसाया संक्रमण जुपिं १३म्ह मनूत थौं अस्पतालं डिस्चार्ज जूगु दु । लिप्पांगु निगू परीक्षणय् नं संक्रमित मनूतय् रिपोर्ट नेगेटिभ वयेवं उमित अस्पतालं डिस्चार्ज याःगु खः ।

थौं येँया टेकु अस्पतालं २म्ह मनूत कारोनामुक्त जुया डिस्चार्ज जूगु दु । डिस्चार्ज जुपिं भुइजःसि नगरपालिका वडा नम्बर ३या ३८दँया मिजं व टोखा नगरपालिका वडा नम्बर ६या ४१दँया मिजं खः ।

अथेहे थौं हे बलम्बुया कोभिड युनिफाइड अस्पतालं ११म्ह मनूत डिस्चार्ज जूगु दु । अनं डिस्चार्ज जूपिं थीथी जिल्लायाःपिं खः । थ्व नापं नेपालय् कोरोनामुक्त जुया अस्पतालं डिस्स्चार्ज जूपिं २ सय १९म्ह थ्यंगु दु । उकी मध्ये १ सय ७२म्ह मिजंत खःसा ४७म्ह मिसात खः ।