काराेनां यलय् छम्हेसिया मृत्यु

यल – काेराेना भाइरस संक्रमणया कारणं यलय् छम्ह सीगु दु । यलया किस्ट अस्पतालय् उपचार याकाच्वंम्ह बिरामी बुधवाः सीगु खः । उपचारया झ्वलय् सीम्ह उम्ह ल्वगियाके काेराेना पुष्टि जूगु दु । तर औपचारिक रुपंं काराेनाया कारणं सीगु घाेषणा धाःसा सरकारं याःगु मदुनि ।

बुधवाः न्हिनय् ४ बजे उम्ह ल्वगि सीगु खःसा वयागु काेराेनाया रिपाेर्ट धाःसा बहनी ८ बजे जक वःगु अस्पताल सुत्रं धाःगु दु । सीम्ह ल्वगि यल महानगरपालिका २२ वडाया ५७ दँँया मिजं जूगु खँ धाःगु दु ।

वंगु जेठ ११ गते स्येँया ल्वय् दुगुलिं पाटन अस्पताल यंकूगु खःसा उकुन्हु हे पाटन अस्पतालय् आइसियु मदुगुलिं किस्ट अस्पताल यंकूगु खः । किस्टय् भेन्टिलेटरय् तयाः उपचार यायेगु झ्वलय् बुधवाः सनिलय् सीगु खँ धाःगु दु ।

वयागु सीम्ह आः शवगृहय् तयातःगु दु ।

सम्बन्धित बुखँ

LEAVE YOUR COMMENTS