ने. सं. ११४४ बछलाथ्व दशमी -

पर्साय् २१म्ह कोरोनामुक्त जुया अस्पतालं डिस्चार्ज

येँ – पर्साय् थप २१म्ह मनूत कोरोना भाइरसपाखें मुक्त जुया अस्पतालं डिस्चार्ज जूगु दु । नारायणी कोभिड अस्पतालया शाखाया गण्डक अस्पतालपाखें ४म्ह मिसा सहित २१म्ह मनूत डिस्चार्ज जूगु खः ।

२४ घण्टाया दुने याःगु निगू पीसीआर परीक्षणया रिपोर्टन नेभेटिभ वःगुलिं उमित मंगलवाः बहनी डिस्चार्ज याःगु खः । उगु इलय् वीरगञ्ज महानगरपालिकाया मयेर विजयकुमार सरवागी लगायतं स्वाँ बियाः बिदाई याःगु खः ।

थ्व नापं नेपालय् कोरोनामुक्त जूपिनि ल्याः १ सय ७३म्ह थ्यंगु दु ।