मेलम्चीया पाइप तज्यानाः सतक जाम

येँ (नेपालभाषा टाइम्स)- लैनचौरय् मेलम्चीया पाइप तज्यानाः सतक जाम जूगु दु । म्हिगः खानी तथा भूगर्भ विभागया ज्याकू न्ह्यःनेया मूल सतक तःले लायातःगु पाइप तज्यानाः सतकय् लः बाः वःगु खः । उकिं यानाः घन्टौं तक सतक जाम जूगु खः । लैनचौरया जामया लिच्वः त्रिपुरेश्वर तक थ्यंगु खः ।

काठमाडौं उपत्यका खानेपानी लिमिटेडं न्हूगु सञ्जालय् लः छ्वयेवं पाइप तज्याःगु खः । आः खानेपानीं पुलांगु हे सञ्जालय् लः छ्वयाः वितरण यानागु खँ आयोजनाया प्रवक्ता चन्दकुमार पाँ श्रेष्ठं कनादीगु दु ।

पाइप छु कारणं तज्याःगु कारण मालेत ठेकेदारयात निर्देशन बीधुंकूगु दु । खानेपानीं छुं न्हि दुने हे पाइप दयेकाः हाकनं न्हूगु सञ्जालं हे लः इनेगु तयारी यानाच्वंगु खँ सीदुगु दु ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत