कोरोना विरुद्ध ल्वायेगु निंतिं परामर्शदातृ संयन्त्र गठन जुइ : प्रधानमन्त्री

येँ – प्रधानमन्त्री केपी शर्मा ओलीं कोरोना भाइरसया महामारी विरुद्ध ल्वयेगु निंतिं छगू परामर्शदातृ संयन्त्र गठन यायेगु खँ धयादीगु दु । महामरी प्रति चिउता तइपिं व महामारी विरुद्धया लडाईं छुं नं छुं कथं संलग्न दुपिं पक्षत दुथ्याका छगू परामर्शदार्त संयन्त्र याकनं घोषण जुइगु खँ प्रधानमन्त्री ओलीं धयादीगु दु ।

राष्ट्रया नामय् सोमवाः सम्बोधन यानादिसें वय्कलं कोरोना महामारी विरुद्धया एकीकृत कमाण्ड व केन्द्रीय योजनायात थप प्रभावकारी दयेकेगु धयादिल । वय्कलं महामारी विस्तार जूगु थासय् सील यानाः अन युद्धस्तरय् परीक्षण व नियन्त्रणया ज्यायात न्ह्याकेगु नं धयादिल ।

वय्कलं विज्ञतय् सुझाव कथं देय्या कुल जनसंख्याया दुई प्रतिशत जनताय् कोरोना भाइरसया परीक्षण विस्तार यायेगु धयादिसें महामारी नियन्त्रण यायेगु ज्या पाय्छि लँपुइ वनाच्वंगु धयादिल । वय्कलं धयादिल, ‘महामारी नियन्त्रण यायेगु प्रारम्भिक दिनया तयारीइ छुं भचा अलमल खनेदुसां आः तक वयागु इलय् झीसं कयागु पलाः सफल जूगु दु ।’

अथेहे वय्कलं विश्व स्वास्थ्य संगठनया प्रोटोकल कथं छेँ लिहांवइपिं सीमा पार याये न्ह्यः अनिवार्य रुपं परीक्षण यायेगु खःसां छिमेकी देय् भारतं अधिकांश मनूतय उगु नियमया पालना व परीक्षण बिना हे अनेक कष्ट यानाः सीमा पार यानाच्वंगु धयादिल । परीक्षणया अभावया कारणं महामारी तीव्र गतिइ न्यनेगु निंतिं थुकिं नं योगदान यानाच्वंगु धयादिसें वय्कलं विदेशं वःपिंत याक परीक्षण यायेत, सामाजिक दूरी कायम यायेत व सुरक्षित ढंगं क्वारेन्टाइनय् च्वना नियम पालना यायेत इनाप यानादिल ।

सम्बन्धित बुखँ

LEAVE YOUR COMMENTS