ने. सं. ११४४ कौलाथ्व षष्ठी -

संविधान संशोधनया प्रस्ताव दर्ता यायेगु सरकारया निर्णय

येँ – सरकारं संविधानया अनुसूचीइ नेपाःया न्हूगु नक्सा दुथ्याकेगु निंतिं संविधान संशोधनया प्रस्ताव संसदय् दर्ता यायेगु निर्णय याःगु दु ।

शुक्रवाः च्वंगु मन्त्रिपरिषद्या मुँज्यां लिम्पियाधुरा, कालापानी व लिपुलेक क्षेत्रयात दुथ्याकाः सार्वजनिक याःगु न्हूगु नक्सा कथं संविधान संशोधन यायेगु निर्णय याःगु खः । सरकारं बुधवाः जारी याःगु न्हूगु नक्सा कथं संविधानया अनुसूची-३य् दुगु निशान छाप संशोधनया निंतिं प्रस्ताव दर्ता यायेगु निर्णय याःगु खः ।

सरकारं जेठ १३ गते संसद च्वने न्ह्यः हे थुगु प्रस्ताव संसदय् दर्ता यायेगु निर्णय याःगु दु ।