येँ २०८५ म्ह जक संक्रमित

येँ (नेपालभाषा टाइम्स) – म्हिगः जक देय्न्यंकं ४ हजार ३६४ म्ह कोरोना भाइरस संक्रमित जूगु पुष्टि जूगु दु । देय्न्यंकं १८ हजार ४७३ म्हेसिया नमूना परीक्षण याःगु खः । थुकिया लिसें मुक्कं संक्रमितया ल्या ९८ हजार ६१७ थ्यंगु दु । उकि मध्ये ५९० म्ह सीगु दुसा ७१ हजार ३४३ म्ह संक्रमण मुक्त जूगु दु । म्हिगः जक २ हजार ६७५ म्ह संक्रमण मुक्त जूगु दु । म्हिगः स्वनिगलय् २५४० म्ह संक्रमित जूगु दु । उकि मध्ये येँ जक २०८५ म्ह, यलय् ३२० म्ह व ख्ववय् १३५ म्ह संक्रमित जूगु खः । स्वनिगलय् संक्रमितया ल्याः अप्वया वनेवं अस्पतालय् माक्वः आइसीयु व भेन्टिलेटरया अभाव जूगु दुसा गुलिखें अक्सिजन काये माःपिंसं छेँय् च्वनाः अक्सिजन कायेमाःगु अवस्था ब्वलंगु दु ।