नेपालय् कोरोना संक्रमितत ३७५म्ह थ्यन, थप १८म्हेसित संक्रमण
येँ – नेपालय् हानं १८म्हेसित कोरोना भाइरसाया संक्रमण जूगु दु । स्वास्थ्य तथा जनसंख्या मन्त्रालयं धनुषा, खोटाङ, बाँके, दैलेख, सुनसरी व झापाय् थप संक्रमण जूगु पुष्टि याःगु दु । थौं कर्णाली प्रदेशय् लाःगु दैलेखय् नं काेराेनाया संक्रमण जूगु दु । कर्णाली प्रदेशय् थ्व न्हापांगु संक्रमण खः ।
मन्त्रालयया कथं धनुषाय् २म्ह मिजंत, खोटाङ हलेसीइ १म्ह मिजं, बाँकेया नरैनापुरय् १२म्ह मिजंत, दैलेख आठबिस-१या १म्ह मिजं, सुनसरीया १म्ह मिजं व झापाया १म्ह मिजंया संक्रमण जूगु खः । संक्रमण जूपिनि परीक्षण येँया राष्ट्रिय जनस्वास्थ्य प्रयोगशाला, धरानया बीपी कोइराला स्वास्थ्य विज्ञान प्रतिष्ठान, नेपालगञ्जया भेरी अस्पताल व विराटनगरया कोशी अस्पतालय् जूगु खः ।
नेपालय् थौं जक ८०म्हेसित कोरोनाया संक्रमणया पुष्टि जूगु दुसा मुक्कं ल्याः ३७५म्ह थ्यंगु दु ।
LEAVE YOUR COMMENTS