कालिमाति तरकारी बजाःया प्यम्हेसिके आरडिटी पोजिटिभ
येँ – येँ महानगरपालिकाय् सरसफाइ सम्बन्धी ज्या यानाच्वंपिं कर्मचारीतय् कौरोना परीक्षण जूगु दु । थौं टेकु स्थित महानगरपालिकाया वातावरण विभागय् सरसफाइ कर्मचारी, गाडी ड्राइभर लगायतपिनि कोरोना परीक्षणया निंतिं नमूना संकलन जुयाच्वंगु खँ येँ महानगरपालिकाया स्वास्थ्य विभागया प्रमुख नरेन्द्र मुनि वज्राचार्यं कनादीगु दु ।
म्हिगः येँ महानगरपालिकां कालिमाति तरकारी बजारय् तरकारी मीपिं, भरिया लगायतयापिनि कोरोना परीक्षण याःगु खः । आरडिटी, पिसिआर विधिं याःगु परीक्षणया झ्वलय् प्यम्हेसिया आरडिटी परीक्षण पोजिटिभ खनेदुगु खः ।
उपिं मध्ये स्वम्ह तरकारी मीपिं व छम्ह भरिया जूगु खँ विभाग प्रमुख वज्राचार्यं कनादीगु दु । वय्कलं आः उमिगु स्वाब संकलन यानाः पिसिआर विधिं परीक्षण जुयाच्वंगु व छन्हु निन्हु लिपा जक उकिया रिपोर्ट वइगु खँ धयादीगु दु ।
म्हिगः कालिमाति बजारय् ३३४ म्हेसिया पिपिआर व ७०० म्हेसिया आरडिटी परीक्षण जूगु खः ।
LEAVE YOUR COMMENTS