११३ दँया मिसां बुकल कोभिड-१९ यात

म्याड्रिड (बीबीसी) – स्पेनया दकलय् ज्याथम्ह धका: विश्वास याना तम्ह मिसां कोभिड-१९ यात बुकूगु अनया सरकारी पदाधिकारीतय्सं धा:गु दु । ११३ दँया मारिया ब्रानयासयात मार्चय् भाइरसं पुंगु ख: । उब्लेनिसें आइलोसनय् च्वना च्वंम्ह ब्रानयासयाके भाइरसया सामान्य लक्ष्यण जक खनेदूगु ख: । थुकिया अर्थ व मिसां आ:या कोरोना भाइरस संक्रमणया महामारीनापं सन् १९१८–१९१९ या फ्लुया महामारी व सन् १९३६–१९३७ या स्पेनी गृहयुद्ध सकतां खन ।

मिसाया म्हयाय् नं ट्विट यासें धा:गु दु, ‘मांया स्थिति सामान्य दु ।’ ब्रानयासया जन्म सन् १९०७ इ मेक्सिकोय् जूगु ख: । न्हापांगु विश्वयुद्धया इलय् व थ:गु अबुनाप स्पेन थ्यंगु व:गु ख: । अबुम्ह पत्रकार ख: । वया न्हापांम्ह मचा हे ८६ दँ क्यने धुंकूगु दु । अथेतुं वया न्हापाम्ह छय् नं ६० दँ क्यने थ्यने धुंकूगु दु ।