कन्हय् निसें नेपालगञ्जय् कर्फ्यू, कर्णाली प्रदेशया नाका सिल

येँ – कोरोना भाइरस (कोभिड-१९)या हटस्पट जुयाच्वंगु बाँकेया नेपालगञ्जय् कन्हय् निसें कर्फ्यू तयेगु निर्णय याःगु दु ।

थौं न्हिनय् च्वंगु सर्वदलीय मुँज्यां कन्हय् सुथय् ११ बजे निसे वैशाख २५ गते तकया निंतिं कर्फ्यू तयेगु निर्णय याःगु खः । नेपालगञ्जय् १६म्हेसित कोरोनाया संक्रमण खनेवं जिल्ला प्रशासन ज्याकूथी च्वंगु मुँजयां संक्रमण नियन्त्रण यायेगु निंतिं नेपालगञ्ज क्षेत्रयात पूर्ण रुपं निषेधित यायेमाःगु बारे सहलह जूगु खः ।

उखे कर्णाली प्रदेश सरकारं थौं बहनी १२ बजे निसें छवाः तकया निंतिं प्रदेशया फुक्क नाकाय् सिल यायेगु निर्णय याःगु खः । थौं च्वंगु प्रदशेया विपद् व्यवस्थापन केन्द्रया मुँज्यां लकडाउनयात थप कडा यायेगु कथं नाकात पूर्ण रुपं बन्द यायेगु निर्णय याःगु खः ।