फौजदारी संहिताय् सुधार यायेमाः – नेकां

येँ – प्रमुख प्रतिपक्षी नेपाली कांग्रेसं आः नकतिनि जारी जूगु फौजदारी संहिताया आपालं दफा संशोधन याये मानिगु खँ धाःगु दु । म्हिगः कांग्रेसं याःगु छगू पत्रकार सम्मेलनय् न्ववासें प्रवक्ता विश्वप्रकाश शर्मां थ्व ऐनय् डाक्टरय् पेशा, पत्रकारिता व प्रहरी सेवाय् समेत लिच्वः लाइ कथं तयातःगु बुँदात संशोधन याये माःगु खँ कनादिल । निसःदँ पुलांगु कानूनयात हिलाः न्हूगु कानून वःगु बांलाःगु खँ खःसां लागू जुइ न्ह्यः हे खने दयेधुंकूगु समस्या धाःसा चीकेमाःगु बिचाः नं
वय्कलं प्वंकादिल ।