रुसी प्रधानमन्त्रीयात नं कोरोनाया संक्रमण

येँ – रुसी प्रधानमन्त्री मिखायल मिसुस्तिनयात नं कोरोना भाइरस (कोभिड-१९)या संक्रमण जूगु दु ।

राष्ट्रपति भ्लादिमिर पुटिन नाप जूगु भिडिया मिटिङय् प्रधानमन्त्री मिखायलं थःत कोरोनाया संक्रमण जूगु जानकारी बियादीगु खः । वय्कलं संक्रमणया कारणं आइसोलेशनय् च्वनेमाःगुलिं थःम्हं नियमित ज्या यायेमफइगुलिं उप प्रधानमन्त्री एन्ड्रे बेलोसोभयात कार्यवहाक प्रधानमन्त्रीया जिम्मेवारी बीत इनाप यानादीगु खः ।

५४दँया प्रधानमन्त्री मिखायलं रुसय् कोरोना भाइरस नियन्त्रण यायेगु निंतिं महत्वपूर्ण ज्या यानाच्वनादीगु खः । वय्कः प्यला न्ह्यः जनवरी महिनाय् जक प्रधानमन्त्री पदय् नियुक्त जुयादीगु खः ।

रुसय् आः तक छगू लख ६ हजार मनूतय्त कोरोनाया संक्रमण जुइधुंकूगु दुसा १ हजार ७३म्ह मनूत सीधुंकूगु दु ।

सम्बन्धित बुखँ

LEAVE YOUR COMMENTS