रेडियो नेपालया बोर्डया दुजः पाठकयात ज्वन

येँ – रेडियो नेपालया बोर्डया दुजः नापं पत्रकार दीपक पाठकयात प्रहरीं ज्वंगु दु । पाठकयात नेपाल प्रहरीया साइबर ब्युरों विद्युतीय अपराध याःगु द्वपंलय् ज्वंगु खः । झापा स्थायी छेँ जुम्ह पाठकयात बिहीवाः ख्वपं ज्वनायंकूगु खः । नेकपाया अध्यक्ष पुष्पकमल दाहाल ‘प्रचण्ड’यात सामाजिक संजालय् ब्वःबिउगु विषयलय् पाठकयात ज्वंगु खँ धाःगु दु ।