लकडाउन अझ छवाःया निंतिं थप यायेत सिफारिस

येँ – कोरोना रोकथाम व नियन्त्रणया निंतिं नीस्वंगु उच्चस्तरीय समन्वय समितिया कार्यदलं लकडाउनया ई अझ छवाः थप यायेत सिफारिस याःगु दु ।

मुख्यसचिव लोकदर्शन रेग्मीया नेतृत्वया कार्यदलं छवाःया नितिं लकडाउन थप यायेमाःगु सुझाव बिउगु खः । शनिवाः सुथय् उच्चस्तरीय समन्वय समितिया मुँज्यां उगु कार्यदलयात लकडाउनया बारे सुझाव बीत जिम्मा बिउगु खः ।

कार्यदलं कोरोनाया जोखिम अझ नं दनीगु व लकडाउन हे थुकीया दकलय् बांलागु विकल्प जूगु सुझव बिउगु खः । छवाःया निंतिं लकडाउन थप यायेधुंकाः जक मेमेगू मोडालिटीपाखे वनेमाःगु सुझाव नं उगु कार्यदलं बिउगु खः ।