लकडाउनया इलय् खुँत सक्रिय

येँ – कोरोना भाइरसया कारणं देय्न्यंक लकडाउन जुयाच्वंगु जूसां खुँत धाःसा सक्रिय जुयावःगु दु । शनिवाः जक खुँतय्सं येँया निथाय् खुइगु कुतः याःगु दु ।

शनिवाः सुथय् येँया वडा नं २४य् लाःगु इतुम्बहालय् च्वंगु हेरिटेज क्याफेय् खू वःगु खः । सुथय् ४ बजे वःम्ह खुँ नं उगु छेँ व नापसं च्वंगु छेँया मूलुखाय् चुकू तयाः क्याफेय् खुयायंकेगु कुतः याःगु खः । भाजु प्रतापमान शाक्यया छेँय् दुगु क्याफेया ताः तछ्यानाच्वंगु इलय् अनया स्थानीयतय्सं खनाः हाःगुलिं खुँ बिसिवंगु खः ।

अथेहे इतुम्बहा नाप च्वंगु न्यतय् नं खुँतय्सं खुइगु कुतः याःगु दु । वडा नं १८य् लाःगु छगू वः पसलय् खुइगु कुतः याःगु खः । अन नं खुंतय्सं ताः तछ्यासां खुयायंके मालत ।