भाेताहिति फलफुल गल्लीया पसल्यायात काेराेना

येँ – येँया भाेताहिति फलफुल गल्लीइ काेल्डस्टाेर तयातःम्ह छम्हेसित काेराेना पुष्टि जूगु दु । न्ह्याकंत्वालय् छेँ जुयाच्वंम्ह वयात म्हिगः बहनी हे काेराेना पुष्टि जूगु सीदुगु दु । वयात म्हिगः हे टेकु अस्पताल यंकूगु खँ धाःगु दु । वयात काेराेनाा पुष्टि जुइवं वया छेँजःपिनि नं स्वाब परीक्षण याःगु दुसा उमिगु लिच्वः मवनीगु खँ सीदुगु दु । वयात गनं संक्रमण जूगु धयागु नं सीमदुनि ।