निःशुल्क एक्युपे्रसर शिविर

येँ- मय्जु मय्जु छधी नांया संस्थाया ग्वसालय् निःशुल्क एक्युपे्रसर सेवा जुल । संस्थाया अध्यक्ष अम्बिका तुलाधरया सभापतित्वय् जूगु शिविर ओम श्रीनाथ एक्युप्रेसरं सर्भिस एण्ड ट्रेनिङ सेन्टरया ग्वाहालिं जूगु खः ।

शिविरय् ३५ निसें ८५ दँ दुपिं ज्येष्ठ नागरिकया उगु सेवा बिउगु खः । शिविरय् दुगःक्वें, जन्हुफाः, ल्हाःतुति आदिया समस्या जूपिं यक्व वःगु शिविरया ग्वसाः खलकं जानकारी बिउगु दु ।

शिविरय् सेन्टरया राजेन्द्र मानन्धर, पवन श्रेष्ठ, तारा लामा, सानु श्रेष्ठ, सुशीला लाम ल्हो, सुष्मा श्रेष्ठ, राहुल मानन्धर सेवा बियादीगु खः ।
येँ मनपा २२ वडा खिचापुखुलिइ च्वंगु पार्क प्लाजाय् जूगु शिविरया निंतिं ऐना ब्यूटी क्लिनिकं थाय् ग्वाहालि यानादीगु खः ।