ने. सं. ११४६ अनलाथ्व नवमी -

झापाय् नं कोरोना खनेदत, छम्हेसित संक्रमण

येँ – कोरोना भाइरस (कोभिड-१९) थौं थप छगू जिल्लाय् खनेदुगु दु । प्रदेश नं १या उदयपुर व भोजपुर लिपा आः झापाय् नं कोरोना संक्रमण खनेदुगु दु । झापाय् थौं छम्ह ६२दँया मिसायात कोरोनाया संक्रमण खनेदुगु पुष्टि स्वास्थ्य तथा जनसंख्या मन्त्रालयं याःगु दु ।

धरानय् च्वंगु बीपी कोइराला स्वास्थ्य विज्ञान प्रतिष्ठानय् जूगु परीक्षणया रिपोर्ट पोजेटिभ वःगु खः । अस्पतालया आइसोलेसनय् दुम्ह संक्रमित मिसायात विराटनगरय् च्वंगु कोरोना अस्पतालय् हयेगु तयारी यानाच्वंगु दु ।

थ्व नापं नेपालय् कोरोनाया संक्रमिततय् ल्याः ४९म्ह थ्यंगु दु ।