उदयपुरय् ८म्हेसित कोरोनाया आशंका, हानं परिक्षण याइगु

येँ – कोरोना भाइरसया संक्रमणया आशंकय् उदयपुरया त्रियुगा नगरपालिकाय् च्वंपिनि परीक्षण यायेगु झ्वलय् ८म्हेसिया रिपोर्ट शंकास्पद जुइवं हानं परीक्षण याइगु जूगु दु ।

त्रियुगाय् च्वंपिं ६८म्हेसिया नमुना संकलन यानाः कोशी अञ्चल अस्पतालय् याःगु पीसीआर परीक्षणय् ८म्हेसिया रिपोर्ट पोजेटिभ खनेदुगु खः । उमिगु हानं परीक्षण यायेगु निंतिं धरानस्थित बीपी कोइराला स्वास्थ्य विज्ञान प्रतिष्ठानय् यंकूगु दु । नापं शंकास्पद ८म्हेसित उदयपुरं एम्बुलेन्सय् तयाः धनारय् छ्वःगु दु ।

थ्वस्वयां न्ह्यः उगु हे थासं १३म्हेसित कोरोनाया संक्रमण जूगु पुष्टि जुइधुंकूगु दु ।