सत्यमोहन जोशी अस्पतालं डिस्चार्ज

येँ – वाङ्मय शताब्दीपुरुष सत्यमोहन जोशी म्हिगः अस्पतालं डिस्चार्ज जुयादीगु दु । अस्पतालपाखें म्हिगः छगू प्रेस विज्ञप्ति पिकासें जोशीया स्वास्थ्य सामान्य जूगुलिं वय्कःयात चिकित्सकया सल्लाह कथं डिस्चार्ज यानागु खँ धाःगु दु । वंगु वालय् छाती स्याना वल धाःगुलिं जोशीयात यलया किष्ट अस्पतालय् भर्ना याःगु खः । आः वय्कःया ब्लड प्रेसर लगायत सकतां ठीक जूगु खँ धाःगु दु ।