वायुसेवा निगमया कार्यकारी अध्यक्षय् घिमिरे नियुक्त

येँ – सरकारं नेपाल वायुसेवा निगमया कार्यकारी अध्यक्षय् सुशील घिमिरेयात नियुक्त याःगु दु ।

मंगलवाः च्वंगु मन्त्रिपरिषद्या मुँज्यां पुलाम्ह पर्यटन सचिव घिमिरेयात निगमया कार्यकारी अध्यक्ष नियुक्त याःगु खः । घिमिरे पर्यटन सचिव जुयाच्वंगु इलय् झिंच्यलाया निंतिं निगमया संचालक समिति अध्यक्ष नं जुइधुंकूम्ह खः । पर्यटन मन्त्री योगेश भट्टराईं घिमिरेया हे नेतृत्वय् निगमया सुधारया निंतिं छगू कार्यदल नं नीस्वंगु खः ।

थ्वस्वयां न्ह्यः प्रधानमन्त्री केपी शर्मा ओलीं झापाया मदन खरेलयात कार्यकारी अध्यक्षय् नियुक्त याःगु खः । तर थःगु कार्यकाल सिधेन्ह्यः हे खरेलं राजीनामा बिउगु खः । खरेलं २०६६ सालया माघय् राजीनमा बीवं स्वला न्ह्यःनिसें कार्यकारी अध्यक्षया पद खाली जुयाच्वंगु खः ।

नेपालभाषा टाइम्स

च्वमिया मेमेगु

• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर
• बजाः अनुगमनयात निरन्तरता, व्यापारीत भागाभाग
• साहित्य मन्दिरया झिंस्वक्वःगु तँमुँज्या