शाक्यं यानातःगु निर्णयत खारेज

येँ -बागमति प्रदेशया न्हूम्ह मुख्यमन्त्री कथं राजेन्द्र पाण्डे नियुक्त जुयादीगु दु । म्हीग मुख्यमन्त्री अष्टलक्ष्मी शाक्यं राजीनामा बीवं पाण्डे मुख्यमन्त्री नियुक्त जुयादीगु खः । मुख्यमन्त्री नियुक्त जूम्ह पाण्डें म्हिगः हे पद व गोपनीयताया शपथ कयादीगु खः । उकथं हे मुख्य मन्त्री पाण्डें थःगु मन्त्रिमण्डलय् स्वम्हेसित दुथ्याकादीगु दु ।

वय्कः लिसें कृष्ण प्रसाद खनाल आन्तरिक मामिला, कृष्णलाल भँडेल भौतिक पूर्वाधार व कुमारी मोक्तान सामाजिक विकास मन्त्री नियुक्त जुयादीगु दु । वय्कःपिं स्वम्हेसितं प्रदेश प्रमुख यादवचन्द्र शर्मां शपथ ग्रहण याकादीगु खः ।

थ्वहे झ्वलय् न्हू नियुक्त जुयादीम्ह मुख्यमन्त्री पाण्डें निवर्तमान मुख्यमन्त्री अष्टलक्ष्मी शाक्यं यानातःगु थीथी ‘गलत’ निर्णयत खारेज यायेगु खँ धयादीगु दु । मुख्यमन्त्री शाक्यं प्रदेशयात दूरगामी लिच्वः लाइगु निर्णयत याना तःगु जुयाः थःपिंसं अज्याःगु निर्णयत फुक्कं खारेज यायेगु खँ धयादीगु खः