कारोना संक्रमित थप छम्ह विरामी खनेदत

येँ – नेपालय् मेम्ह छम्हेसित कोरोना भाइरस संक्रमण जूगु पुष्टि जूगु दु । टेकुया राष्ट्रिय प्रयोगशालाय् परीक्षणया निंतिं वःगु छगू नमूना पोजिभिट खनेदुगु खँ स्वास्थ्य मन्त्रालयया सहप्रवक्ता सागर दाहालं पुष्टि याःगु खँ अनलाइन पत्रिका रातोपाटीं धाःगु दु । संक्रमित मनू गनयाम्ह, विदेशं वःम्ह कि थनयाम्ह धयागु हे धयागु धाःसा स्पष्ट याःगु मदुनि । थ्व लिसें नेपालय् कोरोना संक्रमितत स्वम्ह थ्यंगु दु । थ्वयां न्ह्यव छम्ह चीनं वःम्ह व छम्ह फ्रान्स वःम्हेसित कोरोनाया पुष्टि जूगु खः ।

(ने. सं. ११४० चाैउलाथ्व पारू / वि. सं २०७६ चैत १२, बुधवाः)