गुथि समितिया ज्या कोरोनालिपाजक
येँ । विवादय् लानाच्वंगु गुथिविधेयकबारे नेवाः समुदायया सुझावकायेत भूमिसुधार मन्त्रालयं गठन याःगु समितिया संयोजकलिसें प्रदेश सभाया सांसद जीवनरामश्रेष्ठं देशय् कोरानाभाइरसया सन्त्रास ब्वलनाच्वंगु इलय् लाक्क समिति गठन जूगु खँयात छगू संयोग जकखःधासें उकियातअन्यथा रूपं कयामदीतइनापयानादीगु दु ।
कोरोना संक्रमण पनेगु लागिं सरकारं लकडाउन याःगु इलय् हे गुथि सम्बन्धी समिति समेत गठन याःगु खँय् थीथीन्ह्यसःवयाच्वंगु सन्दर्भय् ‘नेपालभाषा टाइम्स डट कम’लिसे खँल्हासें सांसद श्रेष्ठं थ्वखँकनादीगु खः ।
गुथि सम्बन्धीआन्दोलनयान्ह्यलुवापिं व गुथियारपिंलिसे जुयाच्वंगु खँल्हाबल्हायालिधंसाय् हे थ्व समिति गठन जूगु खःधासें प्रक्रियावनाच्वँच्वं थ्व इलय् वयाः गठन जूगु जानकारी नं वय्कलं बियादिल ।
समितियात रिपोर्ट बीगु लागिं लछिया ई बियातःगु खःसां थ्व लछि धइगु समितियान्हापांगु बैठक च्वंगु न्हिनिसें शुरु जुइगु जूगुलिं बैठकन्ह्यः हे प्रशस्तअनौपचारिक खँल्हाबल्हायानाःलिपा माइन्युट जकऔपचारिक रूपं यायेगु वा समितियाम्याद हे थपे याये फइगुविकल्पतदुगुखँ नं वय्कलं कनादिल ।
सरकारं लकडाउनया इलय् समिति गठन याःगु खःसां थ्वप्रतिकुल स्थितिइ समितिं थःगु ज्याखँधाःसामन्ह्याकीगु खँ नं वय्कलं कनादिल ।
वय्कलं धयादिल, ‘आःजुयाच्वंगु कोरोनाया सन्त्रास सामान्य जुइधुंकाःजक समितिं ज्या न्ह्याकी । समितिपाखें सम्बन्धितगुथियार व गुथिआन्दोलनयान्ह्यलुवापिंलिसे प्रशस्तखँल्हाबल्हायानाःजकप्रतिवेदनतयार याइ, उकी सुनां नं शंकायायेम्वाः ।’
समितियातगुथि सम्बन्धी संघर्ष समितिपाखें नं प्रतिनिधिथपे यायेगु अधिकार बियातःगु दु । थ्वप्रतिनिधिपिं नं संघर्ष समितिलिसे सहलहयानाः हे कायेगु खँ नं सांसद श्रेष्ठं कनादिल ।
LEAVE YOUR COMMENTS