बुधवाः बुंगद्यः सालीगु

यल – थनया थति त्वालय् लानाच्वंगु बुंगद्यःया रथ थ्वहे वइगु जेठ १८ गते बुधवाः सालीगु जूगु दु । वकुन्हु द्यः सालाः याः न्यात धाःसा प्यन्हु लिपा भोटो क्यनेगु चल न कथं जेठ २१ गते शनिवाः बुंगद्यःया भोटो क्यनेगु जात्रा जुइफु । थनया मंगलय् च्वंगु मणिमण्डप फल्चाय् म्हिगः साइत स्वयेधुंकाः जोशी कीर्तिकिरण जोशीं १८ गते द्यः सालीगु साइत पिकाःगु खः ।

दँय्दसं थ्वहे फल्चाय् च्वनाः जोशीतय्सं बुंगद्यः सालीगु साइत स्वइगु खः । जोशीया कथं वइगु १८ गते रथ सालाः जावलाख्यः थ्यंकेगु साइत पिहां वःगु दु । भोटो क्यनी कुन्हु राष्ट्रपति, प्रधानमन्त्रीपिं नं उपस्थित जुइगु चलन दु । भोटो क्यनेधुंकाः बुंगद्यःयात खतय् तयाः बुंगया देगलय् तये यंकी ।

सम्बन्धित बुखँ

LEAVE YOUR COMMENTS