ज्ञवाली न्हूम्ह आईजीपी

येँ – सरकारं ठाकुर ज्ञवालीयात न्हूम्ह प्रहरी महानिरीक्षक (आईजी) नियुक्त याःगु दु। मंगलवाः च्वंगु मन्त्रिपरिषद् बैठकं ज्ञवालीयात आईजीपी नियुक्त याःगु खः । प्रहरी नियमावलीया परिच्छेद ४ या बढुवा सम्बन्धी व्यवस्थाया दफा ४१ कथं ज्ञवाली बढुवा जूगु खः । एआईजी जुइपिं हे आइजी पदय् बढुवा जुइमाःगु खःसां आईजीपी सर्वेन्द्र खनाल लिसें स्वम्ह एआईजीपिं नं अवकाशय् वनीगु जुइवं डीआईजी जुयाच्वंम्ह ज्ञवालीयात छक्वलं आईजीपी जुइगु ह्वःताः चूलाःगु खः । वय्कःया कार्यकाल न्यालाया जक जुइ ।