ने. सं. ११४६ अनलाथ्व नवमी -

थौं इन्टरनेट दिवस

येँ – इन्टरनेटं विश्वयात यक्व सुविधा बिउसां आपालं मस्त धाःसा इन्टरनेटपाखें हे स्यना नं च्वंगु दु। खास यानाः इन्टरनेटया अश्लील साइटं मस्तय्त स्यंकाच्वंगु जक मखु उकिं उमिगु भविष्य समेत बर्बाद यानाच्वंगु आपालं केश प्रहरीइ वयाच्वंगु दु ।

थज्याःगु अवस्थाय् मस्तय्त सुरक्षित इन्टरनेटय् जक पहुँच बीगु बारे जनचेतना थनेत थौं नेपालय् नं ‘सुरक्षित इन्टरनेट दिवस’ न्यायेकेत्यंगु दु। थ्व लसताय् थौं यलया कृष्ण देगः क्वय् चाइल्ड सेफ नेट नांगु संस्थापाखें थीथी ज्याझ्वः यायेत्यंगु दु। चाइल्ड सेफ नेटया नायः अनिल रघुवंशीं कनादी कथं मस्तय्त अश्लील साइटपाखें बचे यायेत झिदँ न्ह्यः बेलायतं थ्व दिवस न्यायेकेगु शुरु याःगु खः ।