भिक्षु धर्मपाल महास्थविर मंत

यल – थनया शाक्यसिंह विहारय् च्वनाबिज्याइम्ह भिक्षु धर्मपाल महास्थविर म्हिगः सुथय् आकाझाकां मंत । क्यान्सर ल्वचं कयाच्वंम्ह वसपोल म्हिगः सुथय् ८ः१० बजे हरिसिद्धिया क्यान्सर अस्पतालय् मदुगु खः । वसपोल ६२ दँ दुम्ह खः ।

बुद्ध धर्मयात देशविदेशय् प्रचार यायेगु ज्याय् आपालं योगदान दुम्ह वसपोलया गृहस्थ नां माधव तण्डुकार खःसा येँया बलम्बुइ वसपोलया जन्म जूगु खः । वसपोलं नेपाःया संघनायक भन्तेपिनि जीवनी लगायत आपालं सफूत च्वयाबिज्याःगु दु । थाइल्याण्ड सरकारं वसपोलयात ‘फ्रा. ख्रु शोभन’ धइगु उपाधिं विभूषित यानातःगु दु ।

वसपोलया अन्तिम संस्कारय् आपालं विदेशी श्रद्धालुपिंसं नं ब्वति काइगु जूगुलिं आः वइगु बुधवाः जक अन्त्येष्टि याइगु ग्वसाः दु । बुधवाः न्हिनसिया १ बजे शवयात्रा यासें शंखमुलय् अन्त्येष्टि याइगु खँ धाःगु दु ।

सम्बन्धित बुखँ

LEAVE YOUR COMMENTS