स्वयम्भूइ प्रहरी असईया सिनाच्वंगु लुल

येँ – येँया स्वयम्भू प्रहरी वृत्तया प्रहरी सहायक निरीक्षक (असई) विष्णुबहादुर कार्की सिनाच्वंगु अवस्था लूगु दु । म्हिग जक स्वयम्भू बुद्धपार्क चौकीया कमाण्ड स्वयाच्वम्ह कार्की द्यनाच्वंगु थासय् सिनाच्वंगु लूगु खः । प्रारम्भिक अनुसन्धान कथं असई कार्कीं थःम्हं हे गोलीं कयेकाः आत्महत्या याःगु खनेदुसां छेँजःपिंसं थ्व घटना हत्या जूगु दावी यानाच्वंगु दु । घटनाया बारे थप अनुसन्धान जुयाच्वंगु खँ प्रहरीं धाःगु दु । कार्कीया सीम्ह पोष्टमार्टमया निंतिं त्रिवि शिक्षण अस्पताल महाराजगञ्जय् यंकूगु दु ।