लुक्लाय् चाप

येँ – लगातार वा वयाच्वंगुलिं मौसम खराब जुयाः उच्च हिमाली लागाय् लाःगु लुक्ला एअरपोर्टं छगः हे विमान ब्वयेके फयाच्वंगु मदु । विमान मब्वःगु कारणं लिहां वयेत ठिक्क जुयाच्वंपिं पर्यटकत अन हे थानाच्वंगु दु । उकी मध्ये गुलि पर्यटकत थःगु निर्धारित भ्रमण सिधयेकाः तप्यंक ज्याय् लिहां वने माःपिं खः ।

विमान ब्वये मफयाः थानाच्वंपिं पर्यटकतय् ल्याः अप्वयाः अनया होटलय् नं चाप लाःवंगु दु । थौंकन्हय् लुक्लाय् च्वंगु होटलय् च्वनेगु थाय् तकं मदयाः मेगु समस्या जुयाच्वंगु दु ।

विमान ब्वये मफययाः हथाय्पिं पर्यटकत काये धकाः म्हिगः उखेपाखे ब्वःगु प्यंगः हेलिकप्टर नं आकाझाकां मौसम खराब जुयाः बुँइ फोर्स ल्याण्ड यायेमाःगु खः । देशय् हेलिकप्टर अप्वःगुलिं आः हेलिकप्टरतय्सं खसुइ दुहां मवनेगु नीति काःगु जुयाः फोर्स ल्याण्ड याःगु खँ धाःगु दु ।

नेपालभाषा टाइम्स

च्वमिया मेमेगु

• जापानय् ख्वपया कुम्हाःतय् कलासम्बन्धी वृत्तचित्र
• बागमतिइ भाषाया कानून दयेकेगु तयारी
• ‘कोशी’ इ माओवादी नेतायात नं आक्रमण
• मखंया कुमारी माजुयात मरःजा ः
• पाटी विहारय् दिपकंर बुद्ध थापना