अमेरिकाय् नेवाः चीहाः संकिपा क्यनीगु

येँ – निक्वःगु नेपालभाषा चीहाः संकिपा कासाय् दुथ्याःगु फुक्कं शर्ट फिल्मया प्रदर्शन अमेरिकाय् याइगु जूगु जूगु दु । नेपाः पासा पुचः अमेरिकाय्या ग्वसालय् कन्हय् शनिवाः अनया मेरिल्याण्डस्थित गेथर्सवर्गया फ्लावर हिल कम्युनिटी सेन्टरय् थ्व प्रदर्शन जुइत्यंगु खः । फिल्म प्रदर्शनीया लागिं म्हतिं २० अमेरिकी डलर मू तयातःगु दु ।

फिल्म स्वःवइपिंत ब्यलि नं अन हे याकी । थुकी निक्वःगु चीहाः संकिपा कासाय् दुथ्याःगु १६ गुलिं चीहाः संकिपा क्यनेगु ज्या जुइ । थ्व स्वयां न्ह्यः न्हापांगु चीहाः संकिपा कासाय् दुथ्याःगु चीहाः संकिपात नं अमेरिकाया थीथी थासय् क्यनेगु ज्या जूगु खः । अनं संकलन जूगु ध्यबा फिल्म निर्मातातय्त हे दामासाहीं इना बिउगु खः ।