आकाश भैरवनाथ बचतया गुक्वःगु दँमुज्याँ

येँ – थनया वंघलय् च्वंगु जय श्री आकाश भैरवनाथ बचत तथा ऋण सहकारी संस्था लि.या गुक्वःगु दँमुज्याँ म्हिगः छगू ज्याझ्वःया दथुइ श्री आकाश भैरवनाथ (आजुद्यः)या देगलय् क्वचाल ।
आकाश भैरवनाथ गुथिया गुथियारपिं आपाः दुजः दुगु थुगु सहकारी संस्थाया दँमुँज्याय् संस्थाया नायः शरदकुमार डंगोलया सभापतित्वय् न्ह्याःगु खःसा ज्याझ्वलय् संस्थाया सचिव विजयबहादुर सिं संस्थाया प्रगति विवरण व कोषाध्यक्ष श्याम महर्जनं आयव्यय विवरण न्ह्यब्वयादीगु खः ।