बक्सर कःलि

बक्सर कःलि डेकापोड नांगु परिवारया दुजः खः । थुपिं जनावरतय्गु क्रस्टेशियन्स क्लासया दकलय् तःधंगु गु्रप खः । डेकापोड अज्याःपिं जीवनत खः, गुपिंके न्यापा तुतिया न्याज्वः दइ । थुगु ग्रुपय् लोबस्टर, श्रिम्पस, क्रेफिश व कःलि लाः वः । डेकापोडस आकारय् दकलय् तःधिकःम्ह आथ्रोप्रोड खः। थुपिं मध्ये छम्ह सदस्य – जापानी माकःचाया तुति ला ४ मीटर तक ताःहाकः जुइफु । बक्सर कःलिया झिपा तुति मध्ये न्ह्यःनेयागु निपा तुति पंजा थें च्वनी । थःगु थ्व पंजां वं सी-ऐनिमोन नांयाम्ह समुद्री जीवयात ज्वनातइ । सी-ऐनिमोनया स्पर्शिकाय् दयाच्वनीगु कंया तन्तुइ विष दयाच्वनी । अथे जुयाः बक्सर कःलिं सी-ऐनिमोनयात ज्वनातइ, अले वयात थः दुश्मन वा शिकारलिसे ल्वायेत हतियारया रुपय् छ्यली । बक्सर कःलि अप्वः यानाः उष्ण उष्णकटीबंधीय क्षेत्रय् दइम्ह खः ।