छत्रपाटी चिकित्सालयया निःशिुल्क स्वास्थ्य शिविर

येँ – छत्रपाटी निःशुल्क चिकित्सालयया ग्वसालय् वंगु शनिवाः छगू निःशिुल्क स्वास्थ्य शिविर जुल । चिकित्सालयया परिसरय् जूगु स्वास्थ्य शिविरय् हाड जोर्नी, नशा व सर्जरी सम्बन्धी शिविर जूगु खः। शिविरय् विशेषज्ञ चिकित्सकपिं डा.राजेन्द्रमान प्रधान, डा. अनुज राज बिजुक्छेँ, डा. अनिल शाक्य व डा. निरज श्रेष्ठ लिसें जनरल सर्जन डा. किशोर मानन्धर, डा. निरज बनेपाली, डा. जितेन्द्र सिंह, डा. बिमल कुमार शाह व डा. उदिता मिश्रं शिविरय् ल्वगितय् स्वास्थ्य परीक्षण यानादीगु खः ।

मुक्कं १५५ म्ह ल्वगिया निःशुल्क स्वास्थ्य परीक्षण यायेगु ज्या जूगु शिविरय् भिडियो एक्स–रे, बीएमडीटी व निःशुल्क रुपय् वासः वितरण यायेगु नापं ल्याब परीक्षण, एक्स–रे, फिजियोथेरापीइ ३० प्रतिशत छ्यापंया नं व्यवस्था याःगु खः।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत