नेउवा महासंघय् श्रेष्ठ निर्विरोध

नेपाःया दकलय् तःधंगु निजी क्षेत्रया संगठन नेपाल उद्योग वाणिज्य महासंघया वरिष्ठ उपाध्यक्ष पदय् अञ्जन श्रेष्ठ निर्विरोध निर्वाचित जुयादीगु दु । वय्कःयात मेम्ह प्रतिस्पर्धी उमेशलाल श्रेष्ठं समर्थन यायेवं वय्कः निर्विरोध वरिष्ठ उपाध्यक्ष जुयादीगु खः । नेउवा महासंघय् आः गुम्ह वरिष्ठ उपाध्यक्ष जुइ, मेगु कार्यकालय् व स्वतः अध्यक्ष जुइगु प्रावधान दु ।

अध्यक्ष पदय् स्वम्ह उम्मेदवार दुगु खःसा चुनाव जूबलय् अञ्जन श्रेष्ठं ३७.९९ प्रतिशत व उमेशलाल श्रेष्ठं ३१.७१ प्रतिशत मत हःगु खः । मेम्ह उम्मेदवार रामचन्द्र संघाइ ३०.४६ प्रतिशत जक मत वःगुलिं निगूगु चरणया चुनावय् स्वतः हटे जूगु खः । लिपा श्रेष्ठद्वयया दथुइ जक धेंधेंबल्लाः जुइगु निश्चित जुइवं उमेशलालं अञ्जनयात समर्थन यानाः प्रतिस्पर्धा त्याग यानादीगु खः । थुकिं यानाः अञ्जन निर्विरोध वरिष्ठ उपाध्यक्ष जुयादीगु खः । महासंघया अध्यक्ष पदय् चन्द्रराज ढकाल त्यायेधुंकूगु दु ।