येँय् हानं छम्हेसित कोरोना, देय्न्यंक थप ३२म्हेसित संक्रमण

येँ – येँय् नापं देय्न्यंक थप ३२म्ह मनूतय्त कोरोना भाइरसाया संक्रमण जूगु दु । स्वास्थ्य तथा जनसंख्या मन्त्रालयं येँ छम्ह सहित कपिलवस्तुइ ८म्ह, सर्लाही १३म्ह, रुपन्देहीइ ८म्ह, बारा व भरतपुरय् छम्ह–छम्हेसित संक्रमण जूगु पुष्टि याःगु दु ।

येँ संक्रमण जुम्ह ३५दँया मिजं खः । अथेहे कपिलवस्तुया वाणगंगा नगरपालिका १७, १९, २२, २९, ३५, ४० व ४२दँया मिजंत व २७दँया मिसायात संक्रमण जूगु दु ।

सर्लाहीया गोडैताया कविलासी नगरपालिकाया १८, २०, २०, २०, २१, २२, २३, २६, २६, २८, ३३, ३५ व ३५दँया मिजंत, बाराया करैयामाइ गाँउपालिकाया ३७दँया मिसा, रुपन्देहीया गैडहवा व रोहिणी गाँउपालिकाया २०, २०, २४, २४, २७, ३०, ३० व ५५दँ मिजंत व ५५दँया मिसा व भरतपुर चितवन–या ५२दँया मिजंयात संक्रमण जूगु दु ।

थ्व नापं नेपालय् संक्रमित जूपिनि ल्याः ५४८म्ह थ्यंगु दु ।