पत्रकार दबूया केन्द्रीय अध्यक्षय् सुरजवीर

येँ – नेवाः पत्रकार राष्ट्रिय दबूया अध्यक्षय् सुरजवीर वज्राचार्ययात ल्यःगु दु । शनिवाः जूगु दबूया स्वक्वःगु तःमुँज्यां वज्राचार्यया अध्यक्षताय् सर्वसम्मतं न्हूगु कार्यसमिति ल्यःगु खः ।

न्हूगु कार्यसमितिया उपाध्यक्षय् नृपेन्द्रलाल श्रेष्ठ, रचना श्रेष्ठ, संदीप श्रेष्ठ, महासचिवय् सुनिल महर्जन, सचिव केके मानन्धर, सहसचिवय् राजु नापित व प्रेरणा शाक्य, कोषाध्यक्षय् सुरेन्द्रभक्त श्रेष्ठ, सहकोषाध्यक्षय् बाबुकाजी साःछेँ श्रेष्ठयात ल्यःगु खः । अथेहे मूदुजलय् नवीन जोशी, विजयराम कमाचार्य, भाइकाजी महर्जन, विराजकाजी राजोपाध्याय, प्रजित शाक्य, पूर्णभक्त दुवाल, अनुप प्रधान, तेज नारायण महर्जन, विगेन तुलाधर व श्याम तण्डुकारयात ल्यःगु दु ।

मिस्तय्पाखें मू दुजलय् हसना लवजु, रुबी श्रेष्ठ, सुनिता महर्जन, मीना बज्राचार्य, अनिता डंगोल व निसा श्रेष्ठ च्वनादीगु दु । प्रदेश नं १ या संयोजकय् भोजराज श्रेष्ठ, गण्डकी प्रदेशया संयोजकय् उत्तम श्रेष्ठयात ल्यःगु दुसा निवर्तमान अध्यक्ष श्रीकृष्ण महर्जनयात सल्लाहकार ल्यःगु खः ।

शनिवाः जूगु महाधिवेशनया उलेजया येँ महानगरपालिकाया मेयर विद्या सुन्दर शाक्यं यानादीगु खः । अधिवेशनया झ्वलय् पत्रकारिता ख्यलय् ज्या याना वयाच्वंपिं नेवाः पत्रकारतय्त थीथी सिरपाः नं लःलहाःगु खः ।