कोेरोनां सीपिं झिद्वः पुल

येँ – नेपालय् आः तक कोरोनां कयाः सीपिं मनूतय् ल्याः झिद्वः पूगु दु । म्हिगः शुक्रवाः छन्हु जक हे कोरोनां कयाः २५ म्ह विरामीया ज्यान वंगु खः । म्हिगः छक्वलं २५ म्ह मनूया ज्यान वनेवं कोरोनां कयाः सीपिं मनूतय् ल्याः १०,०१९ म्ह थ्यंगु खँ स्वास्थ्य तथा जनसंख्या मन्त्रालयं धाःगु दु ।

म्हिगः शुक्रवाः छन्हुं हे देय्न्यंकं ३,७२९ म्ह न्हूपिं संक्रमित थपे जूगु खः । वंगु २४ घौया दुने मन्त्रालयं १५,६७५ म्ह मनूया स्वाब परीक्षण याःगु खः ।
थौंकन्हय् कोरोनां कयाः सीपिनि मृत्यु दर १.५ प्रतिशत दुसा लना वनीपिं मनूतय् दर धाःसा ९३.७ प्रतिशत थ्यनाच्वंगु दु । थौंकन्हय् देय्न्यंकं कोरोनां कयाच्वंपिं सक्रिय संक्रमित मनूतय् ल्याः ३४,९४२ म्ह थ्यनाच्वंगु दु ।

सम्बन्धित बुखँ

LEAVE YOUR COMMENTS