नेटिभीया गाडी तछ्याःपिं ज्वन

यल – यलया पूच्वं बखुण्डोल वनेगु लँय् नेपाल टेलि–भिजनया बा. १ ञ १९९८ नम्बरया गाडी तोडफोड याःपिं स्वम्हेसित प्रहरीं ज्वंगु दु ।
ज्वंपिं येँया सुविधानगरया क्षितिज देवकोटा, पूच्वया निश्चित श्रेष्ठ व कुमारीपाटीया सचिन चौधरी खः । अन नेपाल टेलिभिजनया गाडीया न्ह्यःनेया न्हाय्कं तछ्याःगु खबर वयेवं महानगरीय प्रहरी प्रभाव पूच्वया प्रहरीं उमित ज्वंगु खः ।

अथेहे येँ महानगरपालिका १४ वडास्थित कलंकीइ छम्हेसिया लुँ लाका यंकूगु दु । निम्ह म्हमसिउपिं मनूतय्सं चितवनया बुद्धिमाया लामाया थ्यंमथ्यं ९० द्वः तकाया लुँयागु सिखः लुटे यानाः यंकूगु खः । थुगु घटनायात कयाः प्रहरीं माःगु अनुसन्धान न्ह्याकाच्वंगु दु ।

अथेहे येँया शंखरापुर नगरपालिका–८ धुल्बु नाउपाखास्थित कच्ची गारेटो लँय् बा. ४० प ६४६१ नम्बरया मोटरसाइकल शुक्रवाः दुर्घटना जुयाः उगु हे नगरपालिकाया उमेश केसी घटनास्थलय् मदुगु खँ प्रहरीं धाःगु दु ।