हनुमानध्वाखा क्षेत्रय् स्वःवइपिं पर्यटक अप्वल

नेपाल भ्रमण दँ २०२०या पूर्वसन्ध्याय् हनुमानध्वाखा दरबार क्षेत्रय् पर्यटकया संख्या अप्वःगु दु । कार्तिक महिना लगे जुइवं पर्यटकतय् ल्याः अप्वःगु खः । असोज महिनाय् न्हि ६०० म्ह पर्यटक वयेगु यानाच्वंगु थ्व थासय् थौंकन्हय् न्हि ११०० तक पर्यटक वये दइगु जूगु दु ।

कामपा हनुमानध्वाखा दरवार क्षेत्र संरक्षण कार्याक्रमया निंतिं कार्यक्रम प्रमुख चिन बज्राचार्यं लिपां इलय् थ्व थासय् पर्यटक ल्याः अप्वःगु खः । भ्रमण दँया पूर्वसन्ध्याय् थथे पर्यटक वयेगु धयागु सुखद् पक्ष खः । हनुमानध्वाखा अवलोकन याइपिं पर्यटकपाखें थगुने १९ करोड राजश्व संकलन याःगुलिइ थ्व दँय् २० करोड भन्दा अप्वः राजश्व असुल जुइगु अनुमान दु ।

निमित्त प्रमुख वज्राचार्यं आः थें पर्यटक वयेगु जुल धाःसा सरकारया भ्रमण वर्ष सफल जुइत यक्व हे ग्वाहालि जुइगु खँ धयादिल । हनुमानध्वाखाय् दुहां वनेत सार्क राष्ट्रया नागरिकतय्त १५० तका व मेमेगु देय्या नागरिकतय्त द्वःछि तका कायेगु यानाच्वंगु दु । २०७२ सालया भुखाय्या कारणं क्षति जूगु सम्पदाया पुनःनिर्माण जुयाच्वंगुलिं अवलोकनकर्तायात छुं असहज धाःसा जुयाच्वंगु दु ।

थ्व स्थानया महत्वपूर्ण सम्पदाया रुपय् दुगु काष्ठमण्डप पुनःनिर्माणया ज्या धमाधम जुयाच्वंगु दु । थुकिया पुनःनिर्माण आःतक ५० प्रतिशत ज्या जूगु दु । अथेहे निर्माणया अवस्थाय् आगं छेँ, जगन्नाथ व गोपीनाथ देगः, दशअवता देगः, माजु देग, त्रिभुवन स्मृति संग्रहालय, लक्ष्मीनारायण देगः, नौतले दरवार दु ।

सम्बन्धित बुखँ

LEAVE YOUR COMMENTS