विद्यालय व्यवस्थापक समाजया अन्तक्र्रिया व भिंतुना कालबिल
येँ – येँया सामुदायिक विद्यालयया प्रधानाध्यापकतय् दुयाःगु विद्यालय व्यवस्थापक समाज ग्वसालय् वंगु शुक्रवाः छगू अन्तक्र्रियात्मक गोष्ठी जुल । निगू सेसनय् जूगु ज्याझ्वलय् न्ववासें मू पाहाँ विद्यालय शिक्षक किताबखानाया महानिर्देशक दिनेश श्रेष्ठ व किताबखानाया निर्देशक रविन्द्र बुढाप्रितीं समुदायिक विद्यालयया शिक्षकतय्सं अवकास लिपा कायेखनीगु सुविधा व उकिया निंतिं आवश्यक्र प्रक्रिया बारे पूवंक जानकारी बियादीगु खः ।
ज्याझ्वलय् सहभागीपिंसं न्यंगु न्हयसलय् महानिर्देशक श्रेष्ठ व निर्देशक बुढाप्रितीं लिसः बियादीगु खः । समाजया अध्यक्ष राजेश्वरमान श्रेष्ठया सभापतित्वय् जूगु ज्याझ्वलय् क्वचायेवं न्हूदँ, मोहनि व छठ पर्वया भिंतुना कालबिल ज्याझ्वः जूगु खः ।
थुगु ज्याझ्वलय् येँ महानगरपालिकाया मेयर विद्यासुन्दर शाक्य, सांसद जीवनराम श्रेष्ठ, येँ मनपा शिक्षा विभाग, शिक्षा विकास तथा समन्वय इकाया पदाधिकारी लिसें येँया सामुदायिक विद्यालयया प्रधानाध्यापक व शिक्षकतय्सं ब्वति काःगु खः ।
LEAVE YOUR COMMENTS