पशुपतिइ सी उइपिं ग्वंतय् विरोध

येँ- पशुपति आर्यघाटय् सी उइपिं ग्वंतय्सं सी उइगु ज्या मयासे विरोधय् कुहां वःगु दु । पशुपति क्षेत्र विकास कोषं छम्ह सीम्ह उल कि न्याद्वः दां कायेगु यानाच्वंगु दु । ग्वंतय् धापू कथं प्रत्येक छम्ह सीम्ह उल धाःसा कोषं न्याद्वः दां काइगु तर, थःपिंत छुं हे सुविधा मबिउगु धासें सी उइगु हे बन्द यानाः इपिं कोषया विरोधय् कुहां वःगु खः । सी उइगु दिकाः ग्वंत विरोधय् कुहां वयेवं अन सी उइत वःपिं अलपत्रय् लानाच्वंगु दु । ग्वंत विरोधय् कुहां वयेवं ग्वल देय्या स्थानीय सामाजिक कार्यकर्ता, स्थानीयवासिन्दातय् पहलय् वार्ताया निंतिं पहल याइगु जूगु दु ।