थुगुसी स्वन्तिबलय् २५ लाख स्वांमाःया माग

येँ – थुगुसी स्वन्तिबलय् तमागु चिमागु यानाः स्वंगू लाख स्वांमाः भारतपाखें आयात जुइगु अनुमान यानातःगु दु । राजधानीइ च्वनाच्वंपिं नेपालीतय् निंतिं दँय्दसं भारतं हे स्वांमाः आयात जुया वयाच्वंगु तथ्यांक दु । नेपालय् लगातार गोदावरी स्वांया प्रतियोगितात्मक प्रदर्शन जूगु नं नीस्वदँ थ्यनेधुंकूगु दु । अय्सां आयातय् धाःसा म्हो जूगु मदुनि ।

नेपालय् २०५३ साल निसें स्वांया प्रतियोगितात्मक प्रदर्शन सुरु जूगु खः । राजीनामावासीतय् निंतिं किजापुजाबलय् थ्यंमथ्यं २५ लाख स्वांमाः आवश्यक दुगु फ्लोरिकल्चर एशोसियसन नेपाल (फ्यान)या महासचिव विश्वमणि पोखरेलं कनादिल । फ्यानया अध्यक्ष कुमार कसुजं थगुने थ्यंमथ्यं २० करोड तका बराबरयाथीथी जातया स्वां आयात जूगु खँ कनादिल ।

स्वांया माग न्हियान्हिथं अप्वया च्वंसां उत्पादन धाःसा खास हे अप्वयेकेफयाच्वंगु मदु । प्यदँ न्ह्यः नेपालं भारतपाखें प्यंगू करोड तका बराबरया थीथी स्वां आयात जूगु तथ्यांक दु । तथ्यांकयात स्वयेबलय् नेपालय् दँय् न्यागू करोडया दरं स्वां आयात जुयाच्वंगु खनेदु । नेपाली स्वांया माग तिब्बत, मलेसिया, अमेरिका, थाइल्यान्डय् नं दुसां उत्पादन अप्वयेकेफुगु मदुनि ।

नेपालय् स्वांया खेती व्यावसायिक रुपं सुरु जूगु नं नीन्यादँ दयेधुंकल । नेपाल प्राइभेट नर्सरी स्थापना लिसें सामान्यस्तरं सुरु जूगु स्वांया व्यवसाय आर्थिक दँ २०७५÷६७ तक थ्यंकबलय् ४३ जिल्लाय् विस्तार जुइधुंकूगु दु । न्हापांखुसी वि.सं. २०७२ य् केन्द्रीय तथ्यांक विभागं सावजनिक याःगु नेपाल व्यावसायिक पुष्पखेती सर्वेक्षण २०७२÷७३ य् ३६ जिल्लाय् ५६१ गू स्वांया खेती संचालन जुयाच्वंगु न्ह्यथनातःगु दु ।

थुकिया प्यदँ दुने मुक्कं २३९गू व्यवसाय वृद्धि जुयाः थौंकन्हय् ८०० गू थ्यंगु फ्यानं धाःगु दु । प्यदँ न्ह्यः १४३ हेक्टर खेती जूगु पुष्पखेती थौंकन्हय् १४९ हेक्टरय् विस्तार जूगु दु । ३८ हजारम्हेसिनं रोजगार चूलाकाच्वंगु खःल्सा प्यदँ लिपा ४३ हजार मनूतय्त प्रत्यक्ष व अप्रत्यक्ष रोजगार चूलानाच्वगु दु ।

भौगोलिक विविधता व अनुकल वातावरणया कारणं नेपालय् थीथी कथंया आकर्षक स्वां खेती यायेफु । अथे खःसां मेमेगु देशं आयात जुयाच्वंगुलिं स्वांखेतीइ धाःसा खास हे आकर्षत जुइफुगु मदुनि । नेपालय् भूमिइ द्वैध स्वामित्व अन्त्य जूगु मदुनि । सीमित व्यक्तिया ल्हातय् कुगाक्क जमीन लानाच्वंगु दु ।

पर्याप्त जमीन दुपिंसं जमीन बाझः हे तयातयेगु चलन दनि । सरकारं नं भूमि बाझः तयातःपिंत कानुनया दायराय् हयेफुगु मदुनि । उकिं स्वानं तकं परनिर्भरता अप्वया वनाच्वंगु दु । थांैकन्हय् १० लाख हेक्टर जमीन बाझः लानाच्वंगु दु । कृषिया आधुनिकीकरण, व्यावसायिकण ला द हे दु विविधिकरणया ज्वलन्त उदाहरण स्वांया व्यवसाय नं खः ।

प्रचुर व अथाह सम्भावना दुगु स्वांया व्यवसायया लागि सरकारं पुष्प प्रवद्र्धन नीति २०६९ जारी यानाः पुष्प प्रवद्र्धन कार्यक्रम कार्यान्वयन कार्ययोजना लागू याःगु नं न्हय्दँ दयेधुंकूसां नं बिचाः याःकथं आकर्षण मदुगुलिं स्वांया आयात दिकेफुगु मदुनि ।

सर्वेक्षणय् उत्पादन परिमाणया आधारय् प्रमुख न्यागू मौसमी स्वां तफ्वः स्वां, पिटुनिया, डाहलिया, जिनिया, प्यान्जी, बहुवर्षे स्वानय् गुलाफ, बगानबेली, गोदावरी, एजेलिया, कर्निसन, आलांकिरिकपाखे धुपी, हेज, पम, अशोका, एरिका, कटफ्लावरपाखें कार्नेशन, जर्वेरा, गुलाफ, ग्याहुलस, क्यालेनडुला व लुज फ्लावरपाखे सयपत्रि, गोदावरी, लाहुरे, चिफ्वःगु सयपत्री, तारा (कोरेप्सिस) जातया स्वां खेती जुया वयाच्वगु दु ।

सम्बन्धित बुखँ

LEAVE YOUR COMMENTS