डा. श्रेष्ठया ‘झीगु सको देय’ पिदन

सक्व – भाषासेवी नापं विश्व नेवाः संगठनया पुलांम्ह नायः डा. बालगोपाल श्रेष्ठया ‘झीगु सको देय’ नांया सफू पिदंगु दु। डा. श्रेष्ठं अंग्रेजीं च्वयादीगु ‘द सेक्रेड टाउन अफ साँखु’यात भाय् हिलाः नेपालभाषां उगु सफू पिथंगु खः ।

शंखरापुर नगरपालिकाया आर्थिक ग्वाहालिं भाषा साहित्य मुँज्या सक्वं उगु सफू पिथंगु खः । सफूया अनुवाद मय्जु सिल्भिया राजोपाध्यायं यानादीगु खःसा सम्पादन विमल ताम्राकारं यानादीगु खः । मुक्कं ५४४ पेजया उगु सफूया मू साधारण १२००/- तका व संस्थागत २०००/-तका तयातःगु दु ।

सफुतिइ सक्व देय्या बारे दुग्यंक मालेकुले यानाः नेवाः समाज, संस्कार धर्मकर्मया बारे च्वयातःगु दु। सकसिनं नेपालभाषा सहज रुपं ब्वने फयेमा व याउँक थुइके फयेमा धकाः सरलीकृत यानाः पिथंगु खः ।

सम्बन्धित बुखँ

LEAVE YOUR COMMENTS