युवक बौद्ध मण्डलया ५० दँ बुन्हिया लसताय् विशेष ज्याझ्वः

यल – युवक बौद्ध मण्डल, नेपाल (थ्ःद्यब्) ५० दँ क्यंगु लसताय् वंगु शनिवाः छगू विशेष ज्याझ्वःया दथुइ स्वर्ण महोत्सव दँ शुभारम्भ जल ।
थेरवादपाखें श्रद्धेय भिक्षुसंघ, महायानपाखें श्रद्धेय लामागुरु व वज्रयानपाखें वज्राचार्य गुरुजुपाखें मंगलमैत्री वाचन याना न्ह्याःगु ज्याझ्वलय् संस्थाया नायः अरणीतारा वज्राचार्यं लसकुस न्वचु बियादीगु खःसा मूपाहां संस्थाया वरिष्ठ सल्लाहकार नापं प्रतिनिधिसभा सदस्य कृष्णलाल महर्जनं संस्थाया स्वर्ण महोत्सवया लोगो उलेज्या यासें थःगु नुगः खँ तयादीगु खः ।

ज्याझ्वलय् सांस्कृतिक उपसमितिया ग्वसालय् स्वयम्भू ज्ञानमाला भजन खलः, तारेमाम् संघ, ज्ञानमाला भजन खलः, सुना गुथि व ज्ञानोदय ज्ञानमाला भजन खलःपाखें भजन प्रस्तुत याःगु खः ।उगु ज्याझ्वलय् संस्थाया सांस्कृतिक उपसमितिया संयोजक नापं संस्थाया पुलांम्ह नायः चन्द्रमान शाक्य, ज्ञानमाला समितिया महासचिव पवन ताम्राकारपिंसं नं थःगु नुगः प्वंकादीगु खःसा संस्थाया प्रथम उपाध्यक्ष आशारत्न शाक्यं ज्याझ्वलय् झायादीपिं सकलसित सुभाय् बियादीगु खः ।